https://gregorien.info/psalm/index/en https://gregobase.selapa.net/scores.php
FRIDAY (Feria Sexta)
Psalmus 141
Voce mea ad Dóminum clamávi * voce mea ad Dóminum deprecátus sum.
Effundo in conspéctu eius deprecatiónem meam * tribulatiónem meam ante ipsum pronúnti–o.
In deficiéndo ex me spíritum meum * et tu cognovísti sémitas meas.
In via hac qua ambulábam * abscondérunt láqueum mihi.
Considerábam ad déxteram et vidébam * et non erat qui cognósceret me.
Périit fuga a me * et non est qui requírit ánimam meam.
Clamávi ad te Dómine † dixi : Tu es spes me–a * pórtio mea in terra vivéntium.
Inténde ad deprecatiónem meam * quia humiliátus sum nimis.
Líbera me a persequéntibus me * quia confortáti sunt super me.
Educ de custódia ánimam meam ad confiténdum nómini tu–o * me exspéctant iusti donec retríbuas mihi.
Glória Patri et Fí–li–o * et Spirítu–i Sancto.
Sicut erat in princípio et nunc et semper * et in sǽcula sæculórum. A–men.
Psalmus 143
Benedictus Dóminus Dé-us mé-us, qui dócet mánus mé-as ad praéli- um, * et dígitos mé- os ad bél- lum.
Misericórdia méa et refúgium méum: * suscéptor méus et liberátor méus :
Protéctor méus et in ípso speravi : * qui súbdit pópulum méum sub me.
Dómine, quid est hómo, quia innotuísti éi? * aut filius hóminis, quia réputas éum?
Hómo vanitátisímilis fáctus est:*díes éjus sicut úmbra praetéreunt.
Dómine inclina caélos túos, et descénde: * tánge móntes, et fumi-gabunt.
Fúlgura coruscatiónem, et dissipábis éos: * emítte sagittas túas, et conturbábis éos.
Emitte mánum túam de álto, † éripe me et libera me de áquis múltis: * de mánu filiórum alienórum.
Quórum os locútum est vanitatem: * et déxtera eórum, déxtera iniquitátis.
DIVISIO
Dé-us cánticum nóvum cantábo tí-bi: * in psaltéri- o decachórdo psallam ti-bi.
Qui das salútem regibus, * qui redemisti David servum tuum de gladio maligno, eripe me,
et erue me de manu filiorum alienorum, † quorum os locutum est vanitatem, * et dextera eorum dextera in-iquitatis.
Quorum filii sicut novellae plantationes * in juventute sua;
filiae eorum compositae, * circumornatae ut similitudo templi.
Promptuaria eorum plena, * eructantia ex hoc in illud;
oves eorum foetosae, abundantes in egressibus suis; * boves eorum crassae.
Non est ruina maceriae, neque transitus, * neque clamor in plate-is eorum.
Beatum dixerunt populum cui haec sunt; * beatus populus cujus Dominus Deus ejus.
Glória Patri, et Filio, * et Spiritui Sáncto.
Sicut érat in principio, et nunc, et semper, * et in saécula saeculórum. Amen
.
Psalmus 144
Exaltábo te Deus meus rex * et benedícam nómini tuo in sǽculum et in sǽculum sǽculi.
Per síngulos dies benedícam tibi * et laudábo nomen tuum in sǽculum et in sǽculum sǽculi.
Magnus Dóminus et laudábilis nimis * et magnitúdinis eius non est finis.
Generátio et generátio laudábit ópera tua * et poténtiam tuam pronuntiábunt.
Magnificéntiam glóriæ sanctitátis tuæ loquéntur * et mirabília tua narrábunt.
Et virtútem terribílium tuórum dicent * et magnitúdinem tuam narrábunt.
Memóriam abundantiae suavitátis tuæ eructábunt * et iustítia tua exsultábunt.
Miserátor et miséricors Dóminus * pátiens et multum miséricors.
Suávis Dóminus univérsis * et miseratiónes eius super ómnia ópera eius.
Glória Patri et Fílio * et Spirítui Sancto.
Sicut erat in princípio et nunc et semper * et in sǽcula sæculórum. Amen.
Canticum Evangelicum - Lc 1, 46-55
Magníficat * ánima mea Dóminum.
Et exsultávit spíritus meus * in Deo salvatóre meo.
Quia respéxit humilitátem ancíllæ suæ * ecce enim ex hoc beátam me dicent omnes generatiónes.
Quia fecit mihi magna qui potens est * et sanctum nomen eius.
Et misericórdia eius in progénies et progénies * timéntibus eum.
Fecit poténtiam in bráchio suo * dispérsit supérbos mente cordis sui.
Depósuit poténtes de sede * et exaltávit húmiles.
Esuriéntes implévit bonis * et dívites dimísit inánes.
Suscépit Israel puérum suum * recordátus misericórdiæ.
Sicut locútus est ad patres nostros * Abraham et sémini eius in sǽcula.
Glória Patri et Fílio * et Spirítui Sancto.
Sicut erat in princípio et nunc et semper * et in sǽcula sæculórum. Amen.
SATURDAY (Sabbato)
Psalmus 144
Confiteántur tibi, Dómine, ómnia ópera tua * et sancti tui benedícant tibi.
Glóriam regni tui dicent * et poténtiam tuam loquéntur.
Ut notam fáciant fíliis hóminum poténtiam tuam * et glóriam magnificéntiæ regni tui.
Regnum tuum regnum ómnium sæculórum * et dominatio tua in omni generatióne et generatiónem.
Fidélis Dóminus in ómnibus verbis suis * et sanctus in ómnibus opéribus suis.
Állevat Dóminus omnes qui córruunt * et érigit omnes elísos.
Óculi ómnium in te sperant, Dómine * et tu das escam illórum in témpore opportúno.
Áperis tu manum tuam * et imples omne ánimal benedictióne.
Iustus Dóminus in ómnibus viis suis * et sanctus in ómnibus opéribus suis.
Prope est Dóminus ómnibus invocántibus eum * ómnibus invocántibus eum in veritáte.
Voluntátem timéntium se fáciet † et deprecatiónem eórum exáudiet * et salvos fáciet eos.
Custódit Dóminus omnes diligéntes se * et omnes peccatóres dispérdet.
Laudatiónem Dómini loquétur os meum * et benedícat omnis caro nómini sancto eius in sǽculum et in sǽculum sǽculi.
Glória Patri et Fílio * et Spirítui Sancto.
Sicut erat in princípio et nunc et semper * et in sǽcula sæculórum. Amen.
Psalmus 145
Lauda ánima mea Dóminum † laudábo Dóminum in vita mea * psallam Deo meo quámdiu fúero.
Nolíte confídere in princípibus * in fíliis hóminum in quibus non est salus.
Exíbit spíritus eius et revertétur in terram suam * in illa die períbunt omnes cogitatiónes eórum.
Beátus cuius Deus Iacob adiútor eius † spes eius in Dómino Deo ipsíus * qui fecit cælum et terram, mare et ómnia quæ in eis sunt.
Qui custódit veritátem in sǽculum † facit iudícium iniúriam patiéntibus * dat escam esuriéntibus.
Dóminus solvit compedítos * Dóminus illúminat cæcos.
Dóminus érigit elísos * Dóminus díligit iustos.
Dóminus custódit ádvenas † pupíllum et víduam suscípiet * et vias peccatórum dispérdet.
Regnábit Dóminus in sǽcula, Deus tuus Sion * in generatiónem et generatiónem.
Glória Patri et Fílio * et Spirítui Sancto.
Sicut erat in princípio et nunc et semper * et in sǽcula sæculórum. Amen.
Psalmus 146
Laudáte Dóminum quóniam bonum est psalmus * Deo nostro sit iucúnda decoráque laudátio.
Ædíficans Ierúsalem Dóminus * dispersiónes Israélis congregábit.
Qui sanat contrítos corde * et álligat contritiónes eórum.
Qui númerat multitúdinem stellárum * et ómnibus eis nómina vocat.
Magnus Dóminus noster et magna virtus eius * et sapiéntiæ eius non est númerus.
Suscípiens mansuétos Dóminus * humílians autem peccatóres usque ad terram.
Præcínite Dómino in confessióne * psállite Deo nostro in cíthara.
Qui óperit cælum núbibus * et parat terræ plúviam.
Qui producit in móntibus foenum * et herbam servitúti hóminum.
Qui dat iuméntis escam ipsórum * et pullis corvórum invocántibus eum.
Non in fortitúdine equi voluntátem habébit * nec in tíbiis viri beneplácitum erit ei.
Beneplácitum est Dómino super timéntes eum * et in eis qui sperant super misericórdia eius.
Glória Patri et Fílio * et Spirítui Sancto.
Sicut erat in princípio et nunc et semper * et in sǽcula sæculórum. Amen.
Psalmus 147
Lauda Ierúsalem Dóminum * lauda Deum tuum Sion.
Quóniam confortávit seras portárum tuárum * benedíxit fíliis tuis in te.
Qui pósuit fines tuos pacem * et ádipe fruménti sátiat te.
Qui emíttit elóquium suum terræ * velóciter currit sermo eius.
Qui dat nivem sicut lanam * nébulam sicut cínerem spargit.
Mittit cristállum suam sicut buccéllas * ante fáciem frígoris eius quis sustinébit ?
Emíttet verbum suum et liquefáciet ea * flabit spíritus eius et fluent aquæ.
Qui annúntiat verbum suum Iacob * iustítias et iudícia sua Israel.
Non fecit táliter omni natióni * et iudícia sua non manifestávit eis.
Glória Patri et Fílio * et Spirítui Sancto.
Sicut erat in princípio et nunc et semper * et in sǽcula sæculórum. Amen.
Canticum Beatæ Mariæ Virginis - Lc 1, 46-55
Magníficat * ánima mea Dóminum.
Et exsultávit spíritus meus * in Deo salutári meo.
Quia respéxit humilitátem ancíllæ suæ * ecce enim ex hoc beátam me dicent omnes generatiónes.
Quia fecit mihi magna qui potens est * et sanctum nomen eius.
Et misericórdia eius a progénie in progénies * timéntibus eum.
Fecit poténtiam in bráchio suo * dispérsit supérbos mente cordis sui.
Depósuit poténtes de sede * et exaltávit húmiles.
Esuriéntes implévit bonis * et dívites dimísit inánes.
Suscépit Israel puérum suum * recordátus misericórdiæ suæ.
Sicut locútus est ad patres nostros * Abraham et sémini eius in sǽcula.
Glória Patri et Fílio * et Spirítui Sancto.
Sicut erat in princípio et nunc et semper * et in sǽcula sæculórum. Amen.